Hjá Frístundasafninu finnur þú búnað til leigu sem skapar ný tækifæri til hreyfingar og útivistar fyrir fólk með skerta hreyfigetu.
Skoðaðu búnaðinn
Við leggjum okkur fram um að bjóða upp á fjölbreytt úrval tækja sem styðja við virkni, þátttöku og gleði í daglegu lífi. Markmiðið er að gera fleirum kleift að prófa, njóta og taka þátt og stunda hreyfingu og útivist á eigin forsendum.
Exoquad er rafknúið torfærutæki sem gerir fólki kleift að komast um óslett landslag. Tækið eykur þannig aðgengi að náttúrunni og gerir fleirum klieft að upplifa frelsi í útvist, óháð hreyfigetu.
Frístundasafnið er verkefni sem hefur það markmið að auka aðgengi að sérhæfðum frístundabúnaði fyrir einstaklinga með skerta hreyfigetu. Safnið býður upp á leigu á búnaði sem annars getur verið dýr eða erfiður í aðgengi, svo fleiri geti tekið þátt í hreyfingu og útivist.
Frístundasafnið er ætlað einstaklingum með skerta hreyfigetu á öllum aldri. Ef þú ert óviss um hvort búnaður henti þér eða þínum aðstæðum er alltaf hægt að hafa samband áður en bókað er.
Afhending og skil geta verið mismunandi milli tækja og fara fram á þeirri staðsetningu sem tilgreind er við bókun. Upplýsingar um stað, tíma og fyrirkomulag berast í staðfestingarpósti. Mikilvægt er að mæta á umsömdum tíma.
Bókun fer fram í gegnum vefinn þar sem valið er tæki og dagsetningar. Kerfið sýnir hvaða tæki eru tiltæk á hverjum tíma. Greitt er við bókun og staðfesting berst í tölvupósti.
Greitt er með öruggri greiðslugátt við bókun. Greiðsla staðfestir bókun.
Við afhendingu eru veittar grunnleiðbeiningar. Fyrir flóknari tæki getur verið gerð krafa um að notandi fái leiðsögn eða staðfestingu á þekkingu áður en leiga hefst.
Verð fer eftir tegund búnaðar og lengd leigutímabils (dag-, helgar- eða vikuleiga). Nákvæm verð birtast við bókun á vefnum áður en greiðsla fer fram.
Veistu ekki hvort þjónustan hentar þér eða hvar þú átt að byrja? Hafðu samband við okkur – við veitum ráðgjöf og finnum saman lausnir.
